الدب الأكبر والدب الأصغر

لسه أصحابنا على ئعدتون الأولانية .....



2


الدب الأكبر والدب الأصغر



الأول : هلئ .... إنت شو بتعرف عن الدب الأكبر والدب الأصغر ؟؟!!

التاني : يعني هي مجموعة نجوم على شكل دب ...( ولسه ما خلص حديثو )

الأول : خلص ... خلص ... خلص ... خلص ... واحد جاهل ..!!!

التاني : لكن شو يعني ال .....
مقاطعه من الأول ...


الأول : لك يا فهمان ... الدب الأصغر : واحد إنتهازي ونصاب وحرامي ... ومو شاطر غير بالخطابات وتمرير المؤامرات واللعب بمصير الناس ..!

التاني : طيب والدب الأكبر ( مستغرب) ...!!!!!!!!

الأول : الدب الأكبر .... واحد متلك ...!!!!! اللي بيسدء هيك حكي ..!!

التاني : .............. (صمت مع إقتناع ..!!!!)


تم




وللجنون بقية ....
يتبع ....

فرخ البط عوام

السلام عليكم ورحمه الله وبركاته

هنا سأسرد لكم حلقات من حوار لإثنين من المجانين (أو الحشاشين) ...
ولكن إنتبه عزيزي القارء ....
الحوار فوق مستوى الهمس وتحت مستوى الصراخ ...
ربما هو صراخ من نوع أخر ....
أرجو لكم المتعه والفائدة ....

وشو ما حكينا لا تاخدو على كلامنا .... بيضل كلام مجانين ... (هيك سموهون !!!)

1

فرخ البط عوام ....

التنين ئاعدين ئعده غير شكل .... كاسة شاي تقيله و (....) ومروئين .....

الأول: هلئ شو يعني فرخ البط عوام ..؟

التاني : يعني انو كل واحد بياخد صنعتو من صنعة ابوه ... يعني بيورت عنو الصنعه

الاول : كيف يعني ؟؟

التاني : هلئ انت ابوك شو بيشتغل؟

الاول : خضرجي ....

التاني : وانت شو بتشتغل؟

الاول : عتال بسوق الخضرا ..

التاني : هاه شفت شلون انتو التنين بسلك الخضرا بتشتغلو ....

الاول : أي بس انا بعرف واحد صنعتو مو متل صنعه ابوه ...

التاني : ليش شو بيشتغل أبوه؟

الأول : مهرب ....

التاني : والإبن؟

الاول : بالجمارك ...

التاني : يعني بتئدر تقول لكل قاعدة شواذ ..... يعني مثلا انا بعرف واحد نصاب وحرامي وابنو بيشتغل بالشرطه ...

الأول : ممممم

لحظات من الصمت ....

التاني : بعدين مين قلك إنو ....!!

الأول : (خايف) إنو شو ؟؟!!!

التاني : لا ولا شي .... ولاشي ....

تم

ملاحظه : الحوارت كلها مأخوذه عن مسلسل سوري ...

وللجنون بقية ....
يتبع ...